عزالدين جمعة درويش؛ هێمن نصر الدین محمدأمین
پوخته
ئەم توێژینەوەیە لەبواری تایبەتمەندی مۆرفۆمتری و پەیوەندی بەدروستبوونی دیاردەی لافاو لەئاوزێڵی دۆڵی ...
زیاتر بخوێنەوە
ئەم توێژینەوەیە لەبواری تایبەتمەندی مۆرفۆمتری و پەیوەندی بەدروستبوونی دیاردەی لافاو لەئاوزێڵی دۆڵی قۆرەتوودا كراوە، و تێیدا پشت بە فایلی مۆدێڵی بەرزی و نزمی (DEM-12.5m)ی ناوچەی لێكۆڵینەوە بەستراوە، و بەپرۆگرامی سیستەمی زانیارییە جوگرافییەكان (Arc Map GIS 10.8) شیكردنەوەی بۆ كراوە، ئاوزێڵی دۆڵی قۆرەتوو لەناوچەیەكی شاخاوی پارێزگای كرماشانی وڵاتی ئێرانەوە درێژ دەبێتەوە بۆ ناوچەی نیمچە شاخاوی خاكی هەرێمی كوردستان، لەناحیەی قۆرەتووی قەزای خانەقینی سەربە ئیدارەی گەرمیان لەپلەی شەشەمیدا دەڕژێتە ڕووباری سیروانەوە، و یەكێكە لە لقەڕووبارییە هەمیشەییە ئاوپێدەرەكانی ڕووباری سیروان، ئاوزێڵی دۆڵی قۆرەتوو دەكەوێتە نێوان هەردوو ئاوزێڵی هەواسان لەباكورەوە و ئاوزێڵی ئەڵوەند، ئامانج لەم توێژینەوەیە شیكردنەوەی تایبەتمەندییە مۆرفۆمترییەكانی ئاوزێڵی دۆڵی قۆرەتوو، و كاریگەرییان لەسەر دروستبوونی دیاردەی لافاو، بەمەبەستی دیاریكردنی ڕادەی مەترسی ئەم دیاردەیە و ڕێگاكانی كۆنترۆڵكردنی، توێژینەوەكە گەیشتە ئەو ئەنجامەی كە ئاوەزێڵی دۆڵی قۆرەتوو شێوەی درێژكۆڵەیی وەرگرتووە، و سەرجەم تایبەتمەندییە مۆرفۆمتركانی ئاوزێڵەكە ئاماژەن بۆ كەمی ڕوودانی لافاو، بەتایبەت ڕوودانی لافاوی لەناوكاو لەئاوزێڵی دۆڵی قۆرەتوو و ئاوزێڵە لاوەكییەكانی جگە لەساڵانی باراناوی.